ज्यावेळी संपूर्ण भारत स्वातंत्र्यासाठी लढा देत होता अशा वेळी या हॉकीचा जादुगाराने संपूर्ण विश्वजगताला भुरळ पाडली होती. असं म्हणतात मेजर ध्यानचंद ज्यावेळी खेळायचे त्यावेळी त्यांच्या पांढऱ्या शुज आणि हॉकीच्या पांढऱ्या चेंडूतला फरक समजत नसायचा एवढा वेगवान त्यांचा खेळ होता… नक्की वाचा…
Major Dhyan Chand information Biography in Marathi
हॉकीचा जादूगार मेजर ध्यानचंद माहिती निबंध भाषण मराठी
हॉकीचे जादूगार मेजर ध्यानचंद…
आजच्या पिढीला सचिन तेंडुलकर, विराट, धोनी कदाचित गावसकर, कपिल देव यांची नावे माहीत असतिलक याबाबत काहीच शंका नाही. आणि माहिती असायलाच पाहिजे त्यांचे कर्तुत्व पण त्याच उंचीचे आहे पण आपल्या देशात साजरा करण्यात येणारा राष्ट्रीय क्रीड़ा दिन कोणाच्या स्मरणार्थ साजरा करतात याचे उत्तर खुप कमी लोकांना माहीत असेल आणि उत्तर मेजर ध्यानचंद असं याच उत्तर ऐकल्यावर प्रश्न येतील अरे ते फलंदाज होते की गोलंदाज कपिल सोबत खेळले होते की गावसकर सोबत. पण क्रिकेट नाही तर हॉकीचे जादूगार मेजर ध्यानचंद यांच्या स्मरणार्थ आपल्या देशात क्रीड़ा दिन साजरा करतात हे ऐकल्यावर आजच्या तरुणांमध्ये अनेकांच्या भुवया नक्कीच उंचावतील आणि ज्यांना भारताचा राष्ट्रीय खेळ हा हॉकी आहे हे ज्यांना माहित आहे त्यांना हे माहित असेल.
ब्रिटीशांच्या राजवटीत गुलामीचे जीणे जगणाऱ्या भारताला जगज्जेतेपदाच्या सिंहासनावर बसवणारे मेजर ध्यानचंद यांची कर्तबगारी कोणत्याही अव्वल देशभक्तापेक्षा कमी नव्हती.
- १९२८, ३२ व ३६ या पाठोपाठच्या ऑलिम्पिकमध्ये हॉकीतील सुवर्ण पदकांची हॅट्ट्रिक भारताने साजरी केली, त्यात मेजर ध्यानचंद यांचा सिंहाचा वाटा.
- त्या तीन ऑलिम्पिकमध्ये भारताच्या १०१ गोलापैकी ३८ गोल हे तर चक्क ध्यानचंदने लगावलेले होते.
Major Dhyan Chand information Biography in Marathi
हॉकीचा जादूगार मेजर ध्यानचंद माहिती निबंध भाषण मराठी
हॉकीतील या जादूगाराविषयी लिहावं-बोलावं तितकं थोडकच. त्यांच्या थोरवीच्या फक्त दोन गोष्टी सांगतो.
- तथाकथीत आर्यन संस्कृतीची, आणि काळ्या-सावळ्या रंगाच्या माणसांना गुरेढोरे संबोधणाऱ्या नाझी हिटलरच्या फॅसिस्ट जर्मनीत, या काळ्या-सावळ्या कलाकारांनं जर्मनीचा आठ विरुद्ध एक गोलनी पाडाव केला. ध्यानचंदच्या सहा गोलनी जणु हिटलरच नाक कापलं आणि तेही नाझी जर्मनीच्या राजधानी बर्लीनमधील ऑलिम्पियाडमध्ये!
- दुसऱ्या महायुद्धाआधी भारतीय हॉकी संघाने न्यूझीलंडचा प्रदीर्घ विजयी दौरा केला होता. खराब क्रीडांगण व सदोष व पक्षपाती पंचगिरी हे अडथळे लिलया पार केले होते. ध्यानचंदच्या हॉकी-स्टिकमधील जादूने न्यूझीलंडला वेड लागलं होतं. तेव्हा असं सांगितलं जायचं की, ध्यानचंदचे पांढरे कॅनव्हास शूज व पांढरा चेंडू, यापैकी चेंडू कोणता हे कोडं प्रतिपक्षास सोडवता येत नव्हतं.
हॉकीचा जादूगार मेजर ध्यानचंद यांचा जन्म २९ ऑगस्ट १९०५ ला अलाहाबादमध्ये झाला. वडील सामेश्वरसिंग सैन्यात असल्यामुळं कुटुंबाचं स्थलांतरण कायम ठरलेलं. त्यामुळे ध्यानसिंग यांना जास्त शिकता आलं नाही. त्यांचं ६ वी पर्यंत शिक्षण झालं. वयाच्या १६ व्या वर्षी ते सैन्यात भरती झाले. पैलवान बनण्याचं स्वप्न पाहणाऱ्या ध्यानसिंग यांना सुरूवातीच्या काळात हॉकीबद्दल फारसं आकर्षण नव्हतं. पण सैन्यदलात रंगणाऱ्या हॉकीच्या सामन्यांमुळे त्यांची हॉकीशी ओळख झाली. तत्कालिन मेजर बल्ले सिंग तोमर यांनी ध्यानसिंगच्या हातात हॉकी स्टिक सोपवली आणि याच हॉकी स्टिकनं पुढे ध्यानसिंग यांना ध्यानचंद बनवलं. काम संपल्यानंतर ध्यानसिंग चंद्राच्या उजेडात हॉकीची प्रॅक्टिस करत. याच साधनेमुळं लोकं त्यांना ध्यानसिंगऐवजी ध्यानचंद असं म्हणू लागले.
Major Dhyan Chand information Biography in Marathi
हॉकीचा जादूगार मेजर ध्यानचंद माहिती निबंध भाषण मराठी
राष्ट्रीय पातळीवरही अगदी शेवटच्या ४ मिनिटात ३ गोल करत ०-२ च्या पिछाडीवरच्या संघास विजय मिळवून दिल्यामुळे त्यांना भारतीय संघात खेळण्यासाठी निवडण्यात आले.
१९२६ साली न्यूझीलंड हा भारताचा पहिलाच परदेश दौरा होता. यात दौऱ्यात संपूर्ण हॉकी विश्वाला चक्रावून सोडणारा अभूतपूर्व पराक्रम घडला. भारतीय सैन्यदलाच्या संघानं २१ सामन्यांपैकी १८ सामन्यांत विजय मिळवला. या दौऱ्यात भारतीय संघातर्फे १९२ गोल झाले त्यातील १०० गोल एकट्या ध्यानचंद यांचे होते. यानंतर ध्यानचंद यांना शिपाई पदावरून थेट लान्स नायक पदावर बढती मिळाली.
अॅमस्टरडॅम येथे १९२८ मध्ये होणाऱ्या ऑलिम्पिक क्रीडा स्पर्धांमध्ये प्रथमच हॉकीचा समावेश करण्यात आला होता. अर्थातच या स्पर्धेत भारतीय संघाला प्रवेश मिळाला होता. पहिल्याच ऑलिम्पिक लढतीत भारताने ऑस्ट्रियाला ६-० असे नमवून तर बेल्जियम, डेन्मार्क, स्विझर्लंड या संघांवर एकतर्फी विजय मिळवत अंतिम फेरीत धडक मारली. अंतिम फेरीत यजमान नेदरलँडवर ३-० असा विजय मिळवत ध्यानचंद यांनी भारताला हॉकीतील पहिले सुवर्णपदक मिळवून दिले.पाच लढतींत त्यांनी तब्बल १४ गोल केल्याने हॉकी विश्वात हॉकीतील जादूगार अशी त्यांची कीर्ती पसरली. विशेष म्हणजे संपूर्ण ऑलम्पिकमध्ये भारताविरुद्ध एकही गोल नोंदवला गेला नाही. १९३२ च्या ऑलिम्पिकमध्येही भारतीय संघाने अपराजित राहत अंतिम फेरीत अमेरिकेवर २४-१ असा मोठा विजय मिळवत पुन्हा एकदा ऑलिम्पिक सुवर्णपदकाला गवसणी घातली. १९३६ च्या बर्लिन ऑलिम्पिकमध्ये यजमान जर्मनीविरुद्ध भारताने ८-१ असा विजय मिळवत ऑलिम्पिक सुवर्णपदकाची हॅट्ट्रिक साजरी केली. तीन ऑलिम्पिकमधील १२ लढतींत ध्यानचंद यांनी ३३ गोल केले.
हिटलर आणि मेजर ध्यानचंद
१९३६ च्या बर्लिन ऑलिम्पिकमध्ये यजमान जर्मनीला हरवल्यानंतर बक्षीस वितरणाला हिटलर उपस्थित होता. यावेळी हिटलरने ध्यानचंद यांना कर्नल पदाची ऑफर दिली होती. बक्षीस देताना हिटलर म्हणाला, “जर्मनीत ये, जर्मनीचं नागरिकत्व आणि सैन्यात कर्नलपद देतो तुला.” ध्यानचंद यांनी हिटलरची ऑफर क्षणात धुडकावली ते म्हणाले, “नाही, पंजाब रेजिमेन्टवर मला गर्व आहे आणि भारत भूमीचा मला अभिमान आहे.” हिटलरची ऑफर नाकारल्यानं ध्यानचंद यांचं नाव जगाच्या कानाकोपऱ्यात पोहोचलं. ज्या हिटलरसमोर उभं राहण्याची हिंमत कोणी करत नव्हतं. अशा वेळी त्याला नकार दिल्यानं ध्यानचंद यांचं कर्तृत्व उंचावलं होतं.
अशा या महान खेळाडूचा गौरव म्हणून त्यांचा २९ ऑगस्ट हा जन्मदिन भारतात राष्ट्रीय क्रीडादिन म्हणून साजरा करण्यात येतो आणि या दिवशी राष्ट्रपतींच्या हस्ते राजीव गांधी खेलरत्न, अर्जुन पुरस्कार व द्रोणाचार्य पुरस्कारांचे वितरण करण्यात येते. शिवाय खेळातील सर्वोच्च जीवन गौरव पुरस्कार म्हणून २००२ पासून ध्यानचंद पुरस्कार देण्यात येतो.
आपल्या कारकिर्दीत खेळात असमान्य कर्तृत्व दाखविणाऱ्या आणि निवृत्तीनंतरही त्या खेळासाठी जीवन वेचणाऱ्या क्रीडापटूला ध्यानचंद जीवनगौरव पुरस्काराने सन्मानित करण्यात येते. ध्यानचंद यांना १९५६ साली पद्मभूषण देऊन गौरवण्यात आले.
आंतरराष्ट्रीय हॉकी सामन्यांमध्ये ४०० पेक्षा जास्त आणि प्रथम दर्जा हॉकी सामन्यात १००० पेक्षाही अधिक गोल करणाऱ्या ध्यानचंद यांना वयाच्या ५१व्या वर्षी १९५६ मध्ये पद्मभूषण पुरस्कारानं गौरवण्यात आलं. ध्यानचंद यांचं चित्र असलेलं डाक तिकीटही सरकारनं छापलं. ऑस्ट्रियाच्या विएन्नामध्ये ध्यानचंद यांचा चारभुजाधारी पुतळा उभारण्यात आलाय ज्यात त्यांच्या चार हातात चार हॉकीस्टिक आहेत.
३ डिसेंबर 1979 रोजी कॅन्सरशी लढताना ध्यानचंद यांचं दिल्लीच्या एम्स रुग्णालयात निधन झालं. ध्यानचंद यांच्या इच्छेनुसार त्यांचे अंतिम संस्कार स्मशाणभूमीत न करता झाशीतल्या हॉकी मैदानावर करण्यात आले. ज्याठिकाणी ते तासंतास हॉकीचा सराव करायचे. असा हा हॉकीचा जादूगार आजही भारतरत्न सन्मानापासून मात्र वंचितच आहे.
अक्षय जाधव
कडूस राजगुरुनगर
मित्रांनो, Major Dhyan Chand information Biography in Marathi हॉकीचा जादूगार मेजर ध्यानचंद माहिती निबंध भाषण मराठी
ही महत्वपूर्ण माहिती कशी वाटली हे आम्हाला खालील कॉमेंट बॉक्स मध्ये कळवा. अशा पद्धतीची माहिती वाचण्यासाठी कॉलेज कट्टाला सबस्क्राईब करा. कॉलेज कट्टा म्हणजे माहिती आणि मनोरंजनाचे व्यासपीठ!
हॉकीचा जादूगार माहिती
हॉकीचा जादूगार कोण आहे
हॉकी खेळाडूंची नावे खेळाडूंची माहिती मराठी
Major Dhyan Chand information Biography in Marathi
Major Dhyan Chand Essay Speech in Marathi
हॉकीचा जादूगार मेजर ध्यानचंद माहिती निबंध भाषण मराठी
Major Dhyan Chand was known as the wizard of hockey give reason
Leave a Reply